بحث عن مواضيع متعلقة هناك 5000 موضوع

الجمعة، 24 أبريل 2020

كل ما يخص الزايده الدوديه


 

 يعني ايه زايده دوديه ؟
حته امعاء صغننه شبه الدوده بالظبط، بتبقي طالعه من القولون وبالتحديد منطقه الأعور cecum
ومتصله بالأعور بناحيه واحده هي مدخلها ومخرجها
زي الشكل المرسوم تحت ..

*طب فايدتها ايه اصلا؟
حتي الٱن ماحدش اكتشفلها وظيفه واضحه ،
بس في نظريات ؛
 منها انها كانت مفيده للانسان زمان _،ايام العصر الحجري واكتشاف النار _لما كنا بناكل نباتات اكتر ،،لأن فيها غدد بتفرز انزيمات هاضمه للألياف النباتيه

*طب تشخيصها مهم ليه ؟
تشخيص إلتهاب الزايده الدوديه يعد من اهم تشخيصات الٱلام البطن الطارئه علي الاطلااااق،،
بمعدل كل عشر حالات وجع بطن جراحي ، في الاستقبال بتلاقي 4 اشتباه التهاب بالزايده
وكمان لأن إلتهاب الزايده مالهوش علاج  او مصرف لان مدخلها ومخرجها واحد ، يعني لو التهبت لازم تتشال اما هتفجر !

*ايه سبب التهاب الزايده الدوديه ؟
بردوا ، اسباب إلتهابها غير واضح ،،
لكن في طريقتين للالتهاب ؛؛
1) سبب انسدادي وده الاكتر
2) سبب التهابي بكتيري
الانسدادي تفسيره انك كلت حاجه فيها بزر بكميات كبيره زي (جوافه ، رمان ، لب ، ....) وتراكم البزر ده عند فاتحه الزايده مع الاعور وسد مدخلها ومخرجها الوحيد ،،،،عمل إلتهاب وعدوي وتجمع بكتيري وصديدي و..........
الالتهابي البكتيري تفسيره انك جالك عدوي من اي مصدر هارجي او داخلي زي مثلا التهاب في المثانه ،او المبيض او قرحه معدي نزل الالتهاب علي الزايده عاداها

*اعراضها ايه ؟
بيقولوا بيبدأ الوجع اول ساعات حوالين السره لحد ما الجسم يحدد مكانها ويتجه الوجع في الناحيه اليمين تحت

 بس مافيش التهاب زايده من غير وجع الناحيه اليمني السفليه  من البطن
حتي لو الوجع منتشر في كل البطن ،هتلاقي اكتر حته فيها وجع الحته دي

وشويه اعراض تانيه اهمهم غممان نفس ،قئ ، احساس بالترجيع
وسخونيه بس مش عاليه اوي ماتعديش 38 '
ولو انفجرت لاقدر الله ،،بتبقي حاله shock يعني العيان بين الحياه والموت ولا ازم تتفتح فووورا

طب ليه بيقولوا دايما (اشتباه التهاب زايده)؟
كلمه اشتباه يعني انا شاكك ،؟!،وشاكك معنها مش قادر اشخص ،،ايووووه تشخيص الزايده صعب رغم سهولته!
وكتير بنقول زايده ونفتحها في العمليات ماتطلعش ملتهبه،والعكس

طب بنشتبه في ايه غير الزايده؟
لو بنت ؛؛ بوجع في جانب الايمن من البطن
لازم هنشك في 3 احتمالات
1) مغص كلوي أيمن
2) حاجه في المبايض
3) إلتهاب زايده
لو راجل ؛؛ نشك في حاجتين بس
1)مغص كلوي ايمن
2)التهاب زايده ،،مافيش احتمال تالت

نعمل تحاليل او اشعات ايه عشان نشخصها؟
مافيش تحليل لتشخيص الزايده !!
في تحاليل واشعات بتساعدنا نشيل الاحتمالات التتانيه اللي قلناها فوق زي ايه ؟
_تحليل بول ؛؛ عشان اشوف نوع الاملاح والحصوه المسببه للمغص الكلوي
_سونار علي البطن والحوض ؛؛ عشان نشيل احتمال مشاكل المبيايض او الحصوه الكلويه والحالبيه
_صوره دم كامله ؛؛ عشان نشوف في ارتفاع كرات الدم البيضا ولا لأ ،،يعني في التهاب ولا لا ،،،وده بيسااااااعد مش بيشخص ،،بيسااااااعد وبس

يعني من الأخر تشخيص الزايده الدوديه لازم فحص يدوي للمريض نفسه ، لازم الجراج يحط ايده علي بطن العيان ،،،وكل مايبقي خبره اكتر كل ما بيشخصها صح
طب اشتباه زايده وشاكين لسه ،نديله مسكنات ولا لأ؟
زمان كانوا بيمنعونا عشان الوجع بيخف بالمسكنات و بيحسس المريض انه خف ،رغم ان فيه كارثه جوا
دلوقت ؛؛بيقول ولا اي شئ ازتي تسيب مريض بيتوجع عشان مش عارف تشخصه ،،وثبت ان المسكنات بتضيع احساس المريض
symptoms
 مش احساس الدكتور
 signs
!حد فاهم حاجه!

طب علاجها ايه؟
مجرد ماشخصناها التهاب زايده لااااازم نشيلها فوووورا،،مافيش علاج غير كده
طب لو اشتباه زايده وشاكيين لسه ؟! نشيلها فورا بردوووا
عارف ليه؟! عشان لو انت شاكك وروحت العيان البيت وطلع زايده تبقي كاااارثه وهتنفجر ،،وبدل مانفتح فتحه صغننه ويعد نص يوم في المستشفي ،نفتحه استكشاف ويعد يومين تلاته
مسموح عالميا انك تشيل زايده لعيان شاكك فيه ،،وتطلع طبيعيه ايوه ولا في اي حاجه  وهتبقي دكتور شاطر ،،،اخسن من انك تروحه ويطلع زايده،
اضعف الايمان ؛،احجزه تحت الملاحظه وراقب درجه الوجع وتطور حاله المريض وقيمه  بعد شويه، وتبقي عملت خير والله
استئصال الزايده ؛عمليه سهله جدا وفي نفس الوقت ممكن تكون صعبه جدا

نشيل الزايده بالفتح ولا  بالمنظار؟
ماكنتش مقتنع ان الزايده بالمنظار ببفرق كتير عن الفتح خاصه اللي بيعملها بفتحه صغيره
بس اكتشفت ان المنظار بيخليك تستكشف البطن كلها  وتشوف كل البطن كويس جدا ،وتقدر تتعامل مع اي باثولوجي  خاصه في السيدات
لو وصلت لحد هنا في القرايه
فانت تستحق تعرف المفاجأه
مابنقدرش نجزم انها التهاب بالزايده
 الا في حجره العمليات  ،،بعد مابنشيلها نبص للزايده ونبص لبعض ونقول مين
قال زايده ومين قال مش زايده  ،ونشوف مين هيكسب الرهان

ليست هناك تعليقات:

إرسال تعليق